'மக்கள் காவலன்' திரைப்படத்தின் முதல் பாடலான 'இக்னோர் – IGNORE' வெளியீடு!

பிர்லா ஸ்டுடியோஸ் – நீலம் ஸ்டுடியோஸ் தயாரிப்பில் நடிகர் கே. மணிகண்டன் நடிக்கும் 'மக்கள் காவலன்' திரைப்படத்தின் முதல் பாடலான 'இக்னோர் – IGNORE' வெளியீடு!

பிர்லா ஸ்டுடியோஸ் மற்றும் நீலம் ஸ்டுடியோஸ் நிறுவனங்கள் இணைந்து தயாரிக்கும் அதிரடித் திரைப்படமான 'மக்கள் காவலன்' (Makkal Kaavalan) திரைப்படத்திலிருந்து 'இக்னோர் – IGNORE' எனும் முதல் பாடல் வெளியாகியுள்ளது. நடிகர் கே. மணிகண்டன் முதன்மைக் கதாபாத்திரத்தில் நடித்திருக்கும் இத்திரைப்படத்தை சந்தோஷ்குமார் எழுதி, இயக்கியுள்ளார். இந்தத் திரைப்படம் வரும் டிசம்பர் மாதம் 4-ஆம் தேதி உலகம் முழுவதும் திரையரங்குகளில் வெளியாகிறது.

'இக்னோர் – IGNORE' பாடலுக்கு 'தமிழ் ஹிப் ஹாப்பின் தந்தை' (Godfather of Tamil Hip-Hop) என அழைக்கப்படும் மலேசிய ராப்பர் யோகி பி (Yogi B), நடிகையும் பாடகியுமான அதிதி ஷங்கர், நிவாஸ் கே. பிரசன்னா ஆகியோர் குரல் கொடுத்துள்ளனர். நிவாஸ் கே. பிரசன்னா இசையமைத்துள்ளதுடன், பாடலுக்கான இசை ஒருங்கிணைப்பு மற்றும் நிரலாக்கப் பணிகளையும் (Arrangements & Programming) மேற்கொண்டுள்ளார். பாடல் வரிகளைப் பாடலாசிரியர் எம். கே. பாலாஜி எழுதியுள்ளார்.

இத்திரைப்படத்தின் இசை உரிமையை திங்க் மியூசிக் (Think Music) நிறுவனம் கைப்பற்றியுள்ளது.

ஒவ்வொரு கட்டத்திலும் புறக்கணிக்கப்பட்டு, அவமானப்படுத்தப்படும் ஒரு காவல்துறை அதிகாரியின் கதையைச் சொல்லும் 'இக்னோர் – IGNORE'.தொடர்ந்து ஒலிக்கும் அதிரடி ராப் இசையால் ரசிகர்களிடையே பெரும் எதிர்பார்ப்பையும் ஆர்வத்தையும் ஏற்படுத்தியுள்ளது. வலியால் முடங்கிவிடாமல், அதிலிருந்து மீண்டெழும் மன உறுதியை வெளிப்படுத்தும் ஒரு ராப் பாடலாகும் (Rap-driven anthem). காயங்களுக்கும் உறுதியான தீர்மானத்திற்கும் இடையே ஊசலாடும் இந்தப் பாடலில், தன்னை மனதளவில் காயப்படுத்திய அதே காயங்களிலிருந்தே அவர் வலிமையைப் பெறுகிறார்; அந்த மாற்றத்திற்கு ராப் இசை கூடுதல் வீரியத்தை அளிக்கிறது. பாடலின் ஒரு பகுதியில் இடம்பெறும் நாட்டுப்புறச் சடங்கு மரபைச் சார்ந்த இசை, ஒருவிதமான இயல்பான மண்ணின் மணத்தையும் உணர்வையும் வெளிப்படுத்துகிறது. அதனைத் தொடர்ந்து, 'பறை' இசையின் முழக்கத்துடன் பாடல் மீண்டும் எழுச்சி பெற்று, எதிர்ப்புணர்வையும் துணிச்சலையும் வெளிப்படுத்தும் உச்சத்தை அடைகிறது. மீண்டெழும் மன உறுதியையும் தன்னம்பிக்கையையும் உரத்துப் பேசும் இந்தப் பாடல், பாதிக்கப்பட்ட ஒருவர் எப்படி வெற்றியாளராக மாறுகிறார் என்பதையும் உணர்த்துகிறது.

பிர்லா ஸ்டுடியோஸ் மற்றும் பா. ரஞ்சித், அதிதி ஆனந்த் ஆகியோரின் நீலம் ஸ்டுடியோஸ் இணைந்து தயாரிக்கும் 'மக்கள் காவலன்' திரைப்படத்தை சந்தோஷ்குமார் எழுதி, இயக்கியுள்ளார். கண்ணியத்துடன் வாழ விரும்பும் ஒரு சாதாரண மனிதன், ஊழல்கள் நிறைந்த அமைப்பால் 'சரணடைதல்' அல்லது 'எதிர்த்து நிற்றல்' என்ற இக்கட்டான சூழலுக்குத் தள்ளப்படுகிறான். உயிர் வாழ்வதற்கான ஒரு தனி மனிதனின் போராட்டம், காலப்போக்கில் மிகப்பெரிய பரிமாணத்தை எட்டுகிறது. இதனால், தான் விரும்பாத ஒரு சூழலில் அவன் ஒரு தலைவனாக மாற வேண்டிய கட்டாயம் ஏற்படுகிறது. போராட்டம் தீவிரமடைந்து, எதிர்ப்புக்கான விலை அதிகரிக்கும்போது, ஒரு சாதாரண மனிதனுக்கும் மக்களின் காவலனுக்கும் இடையிலான எல்லை மறையத் தொடங்குகிறது.

ஒரு சாதாரண மனிதன் எப்படி மக்களின் காவலனாக மாறுகிறான் என்பதை உணர்த்தும் 'மக்கள் காவலன்' திரைப்படத்தின் முதல் அறிமுகமாக இந்தப் பாடல் அமைந்துள்ளது. இந்தத் திரைப்படம் வரும் டிசம்பர் மாதம் 4-ஆம் தேதி உலகம் முழுவதும் திரையரங்குகளில் வெளியாகிறது.

Birla Studios and Neelam Studios unveil ‘IGNORE’, the first single from K. Manikandan-starrer Makkal Kaavalan

Birla Studios and Neelam Studios have unveiled ‘Ignore’, the first single from their upcoming action drama Makkal Kaavalan, starring K. Manikandan. Written and directed by Santhosh Kumar, the film is slated for a worldwide theatrical release on 4 December 2026.

‘Ignore’ features vocals by Yogi B, the Malaysian rapper known as the “Godfather of Tamil Hip-Hop”, actor and singer Aditi Shankar, and Nivas K Prasanna. The song is composed, arranged and programmed by Nivas K Prasanna, with lyrics penned by M.K. Balaji.Telling the story of a police officer who is ignored and humiliated at every turn, ‘Ignore’ is a rap-driven anthem that refuses to stay in its pain. The song moves constantly between hurt and resolve, as he draws his strength from the very wounds that weigh on him, and rap gives that shift its edge. A short section rooted in a ritual folk tradition brings a raw, earthy turn before the track rises again, with parai drums that lift it into defiance. It is a song of resilience and self-belief, about the moment a victim becomes the victor.

Produced by Birla Studios and Pa Ranjith & Aditi Anand's Neelam Studios, Makkal Kaavalan is written and directed by Santhosh Kumar. The film follows a simple man determined to live with dignity until a corrupt system leaves him with only two choices: surrender or resist. What begins as one man’s struggle for survival grows into something far larger, forcing him to become a leader he never sought to be. As the battle intensifies and the price of resistance mounts, the line between an ordinary man and a people’s protector begins to disappear.

‘Ignore’ is the first taste of a film about an ordinary man who becomes a people’s protector. Makkal Kaavalan releases worldwide in theatres on 4 December 2026.