புதிய பொலிவுடன் ‘சூப்பர் சிங்கர் – இது நியூ ஏஜ்’ சீசன் 11
புதிய பொலிவுடன் ‘சூப்பர் சிங்கர் – இது நியூ ஏஜ்’ சீசன் 11 – நவம்பர் 21-ம் தேதி பிரம்மாண்ட தொடக்க விழா!
தமிழ் தொலைக்காட்சி ரசிகர்களிடையே பெரும் வரவேற்பைப் பெற்ற பாடல் திறமைகளை வெளிக்கொணரும் நிகழ்ச்சியான ‘சூப்பர் சிங்கர்’, தற்போது புதிய பொலிவுடனும் புதுமையான அணுகுமுறையுடனும் ‘சூப்பர் சிங்கர் – இது நியூ ஏஜ்’ என்ற பெயரில் 11-வது சீசனாகத் தயாராகியுள்ளது.
ஜியோஹாட்ஸ்டார் மற்றும் விஜய் தொலைக்காட்சி இணைந்து வழங்கும் இந்நிகழ்ச்சியின் பிரம்மாண்ட தொடக்க விழா வரும் நவம்பர் 21-ம் தேதி மாலை 6.30 மணிக்கு நடைபெற உள்ளது.
புதிய தலைமுறையின் இசைத் திறமைகளையும், அவர்களின் தனித்துவமான பாடல் திறன்களையும் வெளிப்படுத்தும் வகையில் உருவாகியுள்ள இந்தப் புதிய சீசன், இசை ரசிகர்களிடையே எதிர்பார்ப்பை ஏற்படுத்தியுள்ளது.
புதிய பரிமாணத்தில் உருவாகியுள்ள ‘சூப்பர் சிங்கர் – இது நியூ ஏஜ்’ நிகழ்ச்சியின் தொடக்க விழாவைக் காண ரசிகர்கள் ஆவலுடன் காத்திருக்கின்றனர்.


