பெண்கள் பாதுகாப்பு விழிப்புணர்வை மையமாகக் கொண்ட 'விடைத்தாள்' குறும்படம்
பெண்கள் பாதுகாப்பு விழிப்புணர்வை மையமாகக் கொண்ட 'விடைத்தாள்' குறும்படம் – பார்வையாளர்களிடையே வரவேற்பு
இளம் இயக்குநர் கார்த்திக் இயக்கத்தில் உருவாகியுள்ள 'விடைத்தாள்' குறும்படம், பெண்களின் பாதுகாப்பு மற்றும் விழிப்புணர்வை மையமாகக் கொண்டு உருவாக்கப்பட்டு பார்வையாளர்களிடையே நல்ல வரவேற்பைப் பெற்றுள்ளது.
இந்தக் குறும்படம் குறித்து இயக்குநர் கார்த்திக் கூறுகையில், "பெண்களின் பாதுகாப்பு குறித்த விழிப்புணர்வை ஏற்படுத்தும் நோக்கில் இந்தப் படைப்பு உருவாக்கப்பட்டுள்ளது. குடும்பத்தினரும் நண்பர்களும் கட்டாயம் பார்த்து விவாதிக்க வேண்டிய குறும்படம் இது" என்றார்.
'விடைத்தாள்' குறும்படத்திற்கு தீபன் ஒளிப்பதிவு செய்துள்ளார். கண்ணதாசன் படத்தொகுப்பு (எடிட்டிங்) பணிகளை மேற்கொண்டுள்ளார்.
இந்தக் குறும்படத்தில் ஜீவிதா முருகேசன், சிந்துஜா, ஜோதிஸ்வரன், மோனிகா, சத்ய செல்வன், விஜய் ராஜேஷ்வர் உள்ளிட்டோர் முக்கிய கதாபாத்திரங்களில் நடித்துள்ளனர். அவர்களின் நடிப்பும், சமூகப் பொறுப்புணர்வை வெளிப்படுத்தும் கதை அம்சமும் பார்வையாளர்களின் பாராட்டைப் பெற்றுள்ளது.
மேலும், ஆரோ, அஸ்வினி கண்ணன் மற்றும் நடிகை தனியா ஜீவிதா ஆகியோரும் இந்தக் குறும்படத்தைப் பார்த்து படக்குழுவினரை பாராட்டியுள்ளதாக தெரிவிக்கப்பட்டுள்ளது.
'விடைத்தாள்' குறும்படத்தை கார்த்திக் தயாரித்து இயக்கியுள்ளார். இது ஜி.எம். பிக்சர்ஸ் (GM Pictures) நிறுவனத்தின் தயாரிப்பாக உருவாகியுள்ளது. சமூக அக்கறையுடன் உருவாக்கப்பட்ட இந்தக் குறும்படம், பெண்களின் பாதுகாப்பு குறித்த விழிப்புணர்வை பொதுமக்களிடம் கொண்டு சேர்க்கும் முயற்சியாகப் பாராட்டப்படுகிறது.
